01.11.2024 | 23:19
Հրդեհ Գյումրու տներից մեկում
Հղիության և ծննդաբերության արձակուրդում գտնվող կանայք նույնպես պարգևատրում կստանան
Հասարակություն
25.07.2019 | 12:57
Պետական իշխանության մարմիններում պարգևատրման կարգում կկատարվի փոփոխություն, որը թույլ կտա հղիության և ծննդաբերության արձակուրդում գտնվող անձանց պարգևատրումներ ստանալ:
Այս մասին որոշման նախագիծն ընդգրկված էր Կառավարության հուլիսի 25-ի նիստում՝ չզեկուցվող հարցերի շարքում։
Ըստ որոշման հիմնավորման՝ նախագիծը մշակվել է՝ հաշվի առնելով հղիության և ծննդաբերության արձակուրդի մեջ գտնվող աշխատողների՝ տվյալ կիսամյակի ընթացքում աշխատած ժամանակահատվածը:
Կառավարության 2011 թվականի հոկտեմբերի 20-ի N 1510-Ն որոշման համաձայն՝ պետական ծառայողը պարգևատրվում է, եթե նրա կատարողականի կիսամյակային գնահատականը դրական է, և նա այդ կիսամյակում աշխատել է վեց ամիս` ներառյալ ամենամյա և (կամ) չվճարվող արձակուրդի, հղիության և ծննդաբերության արձակուրդի, ժամանակավոր անաշխատունակության, վերապատրաստման, գործուղման ժամանակահատվածները:
Հաշվի առնելով այն հանգամանքը, որ հղիության և ծննդաբերության արձակուրդի մեջ գտնվող աշխատակիցները հաշվետու ժամանակահատվածում աշխատել են նշված ժամանակահատվածի մեծ մասը, սակայն աշխատանքների ամփոփման ժամանակ գտնվում են հղիության ևծննդաբերության արձակուրդի մեջ, չեն կարող օգտվել օրենքով սահմանված պարգևատրումից՝ անհրաժեշտություն է առաջացել որոշման մեջ նախատեսել սույն կարգավորումը:
Աղավնի Սուքիասյան
