03.08.2026 | 23:30
Տաթև-Լծեն ավտոճանապարհին բեռնատարը դուրս է եկել երթևեկելի հատվածից և բախվել հողաթմբին
Էական բարելավում ենք անում 500 բժշկական կենտրոնի համար․ Արսեն Թորոսյան․ ՏԵՍԱՆՅՈՒԹ
Հասարակություն
25.07.2019 | 11:26
Ավելի քան 500 բժշկական հաստատությունների կողմից Առողջապահության նախարարություն ներկայացվող հաշվետվությունների տրամադրման կարգն այսուհետ կպարզեցվի․ եթե նախկինում այդ ԲԿ-ները տարվա մեջ մի քանի անգամ էին հաշվետվություն ներկայացնում, ապա այժմ կներկայացնեն ընդամենը մեկը՝ տարեկան հաշվետվությունը։
Այս մասին այսօր՝ հուլիսի 25-ի Կառավարության նիստի ժամանակ հայտնեց առողջապահության նախարար Արսեն Թորոսյանը։
«Մենք սրանով թույլ ենք տալիս ԲԿ-ներին կենտրոնանալ իրենց հիմնական գործի վրա, ոչ թե ամբողջ օրը թուղթ լրացնել, որոնցից շատերը երբևէ չեն օգտագործվել կամ հայտնել այնպիսի տվյալներ, որոնց կարիքը չկա»,- ասաց Թորոսյանը՝ շեշտելով՝ «էական բարեփոխում կլինի 500 ԲԿ-ի համար»։
Նախարարը նաև հայտնեց, որ քայլեր են ձեռնարկում պետպատվերի տրամադրման կարգն առավել դյուրին դարձնելու ուղղությամբ՝ ձերբազատվելով բյուրոկրատական քաշքշուկներից։
«Աշնանը կընդունենք այդ փոփոխությունները և մյուս տարի արդեն պետպատվերի տրամադրման կարգը կլինի առավել դյուրին, ինչի նպատակով արդեն իսկ գործարկված է էլեկտրոնային առողջապահության համակարգը, որի շնորհիվ բազմաթիվ տվյալներ ստանում են օնլայն տարբերակով»,- մանրամասնեց նախարարը։
Մանարմասները՝ տեսանյութում։
Աղավնի Սուքիասյան
