07.06.2026 | 17:49
Ձերբակալվել է 14 անձ. ՆԳՆ-ն՝ 17։00-ի դրությամբ իրավիճակի մասին
Ասֆալտին փռելը շարունակվում է․ Վալերի Օսիպյան․ ՏԵՍԱՆՅՈՒԹ
Հասարակություն
24.07.2019 | 12:38
ՀՀ ոստիկանապետ Վալերի Օսիպյանը նախկին ոստիկանապետի զոքանչի՝ սիգ որսացող խոշոր ընկերության սեփականատեր լինելու մասին մամուլի հրապարակման վերաբերյալ որևէ տեղեկություն չունի, իսկ ինչ վերաբերում է այդ գործին նախկին ոստիկանապետի առնչությանը, ապա այդ մասով Ոստիկանությունը որևէ փաստ չունի։ Այս մասին այսօր հրավիրված մամուլի ասուլիսի ժամանակ ասաց ոստիկանապետը՝ նշելով, որ Սևանն ազգային հարստություն է, և իրենք պատրաստ են ամեն գնով պայքարել և պայքարելու են արատավոր այդ երևույթի դեմ։
Հարցին՝ փաստորեն Ոստիկանությունը մշտապես պայքար է մղել սիգի ապօրինի որսի դեմ, սակայն մյուս կողմից նախկին ոստիկանապետի զոքանչը զբաղվել է այդ գործով և չի՞ եղել արդյոք շահերի բախում, Վալերի Օսիպյանը կրկնեց, որ տեղեկացված չէ, թե նախկինում ինչ է եղել, կարող է խոսել ներկայի մասին։
Լրագրողներից մեկի հարցին՝ արդյոք Ոստիկանությունը շարունակում է ասֆալտին փռելու իր գործողությունները, ՀՀ ոստիկանապետը պատասխանեց. «Մենք շարունակում ենք ասֆալտին փռելը։ Այն պահից, երբ խստացրել ենք մեր մոտեցումները և դադարել հանդուրժող լինելը իրավախախտների նկատմամբ, մարդիկ կան, որ հասկացել են ՝ Հայաստանի Հանրապետությունն ավելի օրինապաշտ է դարձել»։
Մանրամասները՝ տեսանյութում։
Աղավնի Սուքիասյան
