28.11.2024 | 17:43
Ընդունում եմ, բացթողում ունենք․ Էրեբունու թաղապետը՝ Փաշինյանի մատնանշած խնդիրն աչքաթող անելու մասին
Ամերիկյան ընտրություններում ռուսական հետքը կրկին ցնցում է քաղաքական դաշտը
Քաղաքականություն
24.07.2019 | 12:12
Դեմոկրատները ԱՄՆ խորհրդարանի երկու պալատներում հանրապետականներին կոչ են արել միանալ իրեց նախաձեռնություններին՝ ուղղված ընտրական գործընթացի բարելավմանը. գրում է amerikayidzayn.com-ը:
Այս առաջարկը հնչել է հատուկ հետաքննող Ռոբերտ Մյուլերի նախատեսված վկայությունից մեկ օր առաջ: Մյուլերը պետք է պատասխանի երկու պալատների հանձնաժողովների առջև 2016 թ. ընտրություններում Ռուսաստանի ներգարվվածության մասին հարցին:
Նախագահ Թրամփը ընդհանուր առմամբ քննադատաբար է մոտենում Մյուլերի վկայության փաստին: Նա ընդգծել է կրկին, որ չի եղել որևէ համագործակցություն Ռուսաստանի հետ, ինչպես նաև չի եղել որևէ օրենքի խախտում իր կողմից: Նա քննադատել է դեմոկրատներին այս խնդիրը շահարկելու համար:
Իսկ Ներկայացուցիչների պալատը և Սենատը պատրաստվում են առաջ քաշել մի քանի օրինագծեր, որոնք կօգնեն մեծացնել 2020 թ. ընտրությունների անվտանգությունը:
Այն դարձել է քաղաքական խնդիր: Երկու կուսակցությունները տարբեր կերպ են մեկնաբանում Ռուսաստանի ներգրավվածության մասին տողերը զեկույցում:
Մյուլերը նշել է, որ չի պատրաստվում որևէ կարծիք հայտնել այս առումով իր վկայության ընթացքում: Նրա զեկույցը եզրակացում էր, որ Թրամփը չի համագործակցել ռուսների հետ ընտրությունները հաղթելու համար՝ չնայած նրա քարոզչական թիմը ունեցել է մի շարք շփումներ Ռուսաստանի հետ:
