02.09.2026 | 14:50
Գերմանիայում էլեկտրակայանի կարճ միացումը դիտարկվում է որպես կանխամտածված հարձակում
Կապանի ոստիկանները բացահայտել են արդյունաբերական ընկերությունում կատարված գողությունը
Հասարակություն
23.07.2019 | 20:26
Հուլիսի 18-ին ոստիկանության Կապանի բաժնում գողության վերաբերյալ հաղորդում էր ստացվել։ Արդյունաբերական ընկերություններից մեկի ներկայացուցիչը գրությամբ հայտնել էր, որ հուլիսի 9-ի ժամը 11․00-ից հուլիսի 18-ի ժամը 11․00-ն ընկած ժամանակահատվածում, անհայտ անձը մտել է արտադրամասերից մեկը, մասնատելով ընկերության գեներատորը՝ հափշտակել դրա էներգատար մալուխները։
Կապանի ոստիկանների ձեռնարկած օպերատիվ-հետախուզական միջոցառումներով պարզվել է գողությունը կատարած անձի ինքնությունը։ Նույն օրը 31-ամյա տղամարդը հայտնաբերվել է, բերման ենթարկվել բաժին և տվել խոստովանական բացատրություն։
Դեպքի հանգամանքները պարզվում են։
Կատարվում է քննություն։
