08.11.2026 | 10:41
Հրազդանի կիրճում ժայռից մեծ քար է պոկվել և ընկել ճանապարհին
Հալեպում երեկ տեղի ունեցած պայթյունի հետևանքով կան զոհեր և վիրավորներ, հայ մասնագետները չեն տուժել
Հասարակություն
23.07.2019 | 11:11
Երեկ Սիրիայի Հալեպ քաղաքում պայթյունի հետևանքով մոտ 7 մարդ է զոհվել, մոտ 20-ը ստացել է տարբեր աստիճանի վնասվածքներ։ Ճշտելու համար, թե քաղաքի որ հատվածում է եղել դեպքը և Սիրիայում հումանիտար առաքելություն իրականացնող հայ մասնագետներն արդյոք չեն տուժել, Factor.am-ը կապ հաստատեց ՀՀ հումանիտար ականազերծման և փորձագիտական կենտրոնի հասարակայնության հետ կապերի պատասխանատու Նազելի Էլբակյանի հետ։
Վերջինս նշեց, որ հայ մասնագետները չեն տուժել, նրանց մշտական տեղակայման վայրը բավական հեռու է այդ հատվածից։
«Երեկ խոսել ենք մեր խմբի ղեկավարի հետ, հայ մասնագետների հետ կապված որևէ խնդիր չկա։ Հայկական խմբի մշտական տեղակայման վայրը մուսուլման արաբների թաղամասում է՝ կենտրոնից բավական հեռու, իսկ դեպքը տեղի է ունեցել Հալեպի կենտրոնական հատվածին մոտ գտնվող փողոցներից մեկում»,- ասաց նա։
Հիշեցնենք, որ 2019 թվականի փետրվարին Սիրիայի ժողովրդին մարդասիրական մասնագիտական օժանդակություն ցուցաբերելու նպատակով հումանիտար ականազերծողներից, բժիշկներից և նրանց անմիջական անվտանգությունն ապահովող հայ մասնագետներից բաղկացած խումբը (ընդհանուր՝ 83 անձ) մեկնել է Սիրիայի Արաբական Հանրապետություն (ք.Հալեպ):
Հավելենք, որ Սիրիա մեկնած սակրավորներից մեկը վնասել էր ոտքը: Նա վերադարձել է Երևան և շարունակում է իր բուժումը:
Նարեկ Կիրակոսյան
