13.08.2026 | 01:00
ՊՍԺ-ն` Եվրոպայի Սուպերգավաթի հաղթող. ՏԵՍԱՆՅՈՒԹ
ԲԴԽ նոր նախագահը երաշխավորում է՝ ամեն ինչ անել դատավորների անկախությունը ապահովելու համար. ՏԵՍԱՆՅՈՒԹ
Հասարակություն
19.07.2019 | 17:16
Բարձրագույն դատական խորհրդի նախագահ Ռուբեն Վարդազարյանն այսօր լրագրողներին ասաց, որ կփորձի քայլեր ձեռնարկել դատավորների անկախությունը երաշխավորելու համար:
«Իմ համոզմամբ, ԲԴԽ-ն պետք է լինի ավելի թափանցիկ, ավելի տրամաբանված և հասկանալի»,- ասաց նորընտիր ԲԴԽ նախագահը:
Անդրադառնալով իրականացվելիք «վեթինգին»՝ նա նշեց. «Միգուցե վեթինգ անունով գործառույթը չի լինելու, բայց լինելու է մի գործընթաց, որի արդյունքում ավելի մատչելի կլինի դատավորի գործունեությունը: Օրենսդիր մարմինը կլիազորի՝ ով կատարի այդ գործունեությունը»:
Մեր հարցին, թե վարչապետ Նիկոլ Փաշինյանն ասել էր, որ նախորդ իշխանության հեռացումից հետո դատավորներն իրենց անտեր են զգացել, տարբեր տեղեր տերեր են փնտրել, արձագանքեց. «Այս պահին ԲԴԽ-ն նախապատրաստում է հայտարարություն, իմ մասնավոր կարծիքը ձեզ չեմ հայտնի, եթե հանդես գամ հայտարարությամբ, ապա դա նշանակում է, որ ես համաձայն եմ և ստորագրել եմ դրա տակ»:
Ռուբեն Վարդազարյանը նաև նշեց, որպես դատավոր իր լիազորությունները կասեցվում են:
Լիլիթ Շաբոյան
