15.01.2026 | 17:30
ՌԴ ՆԳՆ կենտրոնում նռնակ է պայթել․ 9 մարդ վիրավորվել է
Այս հարցի լուծումն այսօր վերջնական կտրվի․ Արթուր Վանեցյան
Հասարակություն
18.07.2019 | 17:46
Անընդունելի է ցանկացած իրավիճակ, երբ իրավապահ մարմինների ներկայացուցիչների նկատմամբ կիրառվում է ուժ և քաղաքացիները չեն ենթարկվում իրավապահների օրինական պահանջներին:
Այս մասին այսօր Իջևան քաղաքում լրագրողների հետ զրույցում ասաց ԱԱԾ տնօրեն Արթուր Վանեցյանը։
Պաշտոնյայի խոսքով՝ երեկ Իջևան քաղաքում տեղի ունեցածը 2018 թվականի մայիսից հետո առաջին նման դեպքն է, պետք է ամեն ինչ արվի, որպեսզի մի կողմից պաշտպանվեն մեր քաղաքացիների շահերը, մյուս կողմից՝ ապահովվի օրենքի անվերապահ կատարումը:
«Իմ հիմնական այցելության նպատակը դա է։ Մեկնելու ենք Իջևանի քաղաքապետարան, տեղի կունենա խորհրդակցություն։ Որոշելու ենք մեր հետագա անելիքները, կարծում եմ, որ այս հարցի լուծումն այսօր վերջնական կտրվի, և մենք կվերադառնանք մեր նորմալ, բնականոն կյանքին, մենք ասելով՝ իջևանցիները»,- ասաց Վանեցյանը:
Հիշեցնենք, որ ավելի վաղ տեղեկացրել էինք, որ Իջևան է մեկնել Ազգային անվտանգության ծառայության տնօրենը։
