08.11.2026 | 10:41
Հրազդանի կիրճում ժայռից մեծ քար է պոկվել և ընկել ճանապարհին
Իրենց մեծ մասը հարուստ մարդիկ են, որոնք այսօր աղիողորմ ասում են` երեխայիս ո՞նց պահեմ. Հայկ Չոբանյանը՝ անտառահատների մասին. ՏԵՍԱՆՅՈՒԹ
Հասարակություն
18.07.2019 | 17:27
Երբ ասում եք՝ իջևանցիները բողոքում են, այնքան էլ այդպես չի: Լրագրողների հետ զրույցում անդրադառնալով Իջևանում երեկվանից տեղի ունեցող իրադարձություններին՝ ասաց Տավուշի մարզպետ Հայկ Չոբանյանը:
«Իջևանցիների թիվը 20.000-ից ավելի է, և կա 50-150 մարդ, որոնք երկու օր է՝ ակցիա են անում հետևյալի համար՝ թույլ տվեք մեզ անօրինական անտառհատումներով զբաղվենք և անօրինական այդ փայտը, ըստ էության՝ գողոնը տանենք ուրիշ մարզեր և իրացնենք: Մենք ասում ենք՝ ոչ»,- հայտարարեց մարզպետը:
Ինչ վերաբերում է աշխատատեղերին և սոցիալական խնդիրներին, Հայկ Չոբանյանի հավաստմամբ՝ ավելի քան 200 թափուր աշխատատեղ ունեն, որոնք զբաղեցնելու համար աշխատող չեն գտնում. «Այսօր նոր միայն առաջին դիմումներն եմ ստացել»:
«Ես ուզում եմ ֆիքսենք, որ սա սոցիալական խնդիր չի: Չնայած սոցիալական է այնքանով, որ կոռուպցիոն մեխանիզմներն այնքան են մտել հասարակության մեջ, որ դարձել է սոցիալական խնդիր: Տարիներ շարունակ սովորել են անտառը ոչնչացնել և դրա հաշվին սնել իրենց անկուշտ կոկորդները, սնել կոռուպցիոներներին, սնել կրիմինալին և ոչնչացնել բնությունը»,- ասաց Չոբանյանը:
Մարզպետը նաև վստահեցրեց, որ այն մարդիկ, որոնք «այսօր աղիողորմ ասում են՝ երեխայիս ոնց պահեմ», նրանց մեծ մասը հարուստ է:
Մանրամասները՝ տեսանյութում:
