07.06.2026 | 15:30
Ամեն ինչ պետք է անենք, որ ընտրությունների լեգիտիմությունը կասկածի տակ չդրվի․ Արման Բաբաջանյան. ՏԵՍԱՆՅՈՒԹ
Անհրաժեշտության դեպքում Ոստիկանությունն ուժ կկիրառի. փոխոստիկանապետը՝ Իջևանի դեպքերի մասին. ՏԵՍԱՆՅՈՒԹ
Հասարակություն
18.07.2019 | 14:06
ՀՀ փոխոստիկանապետ Վարդան Մովսիսյանը վստահեցնում է՝ ոստիկանությունն ունի օպերատիվ տվյալներ այն մասին, թե ովքեր են վառելափայտի բիզնեսների ղեկավարները, որոնք թիկունքից, ինչպես վարչապետն ասաց, կազմակերպում են Իջևանում ընթացող ակցիաները։
«Ոստիկանական աշխատանքներն ու միջոցառումներն իրականացվում են: Այդ 36 հոգին, որ հնչեցրեց վարչապետը, վերաբերում է հակաօրինական գործողությունների ակտիվ մասնակիցներին, որը ձայնագրություններով, այլ տվյալներով մենք ուսումնասիրել ենք ու այդ ցուցակը այդ քանակով կազմել ենք»,- Կառավարության նիստից հետո լրագրողների հետ զրույցում նշեց փոխոստիկանապետը:
Հարցին՝ բերման ենթարկվածների մեջ կա՞ն մարդիկ, որոնք այդ բիզնեսով են զբաղվում, Մովսիսյանը պատասխանեց՝ դեռ ուսումնասիրություն է իրականացվում: Փոխոստիկանապետը չհերքեց, որ կոռուպցիոն սխեմաներ կարող են լինել, և այդ գործով ԱԱԾ-ն իրականացնում է քննություն. «Քննությունն ավարտված չէ, բայց, այո՛, ոստիկանության աշխատակից է մասնակից եղել նման պրոցեսում, և հիմա ինքը քննության տակ է գտնվում»։
Փոխոստիկանապետը չհամաձայնեց հնչած տեսակետներին, որ Իջևանում ոստիկանների նկատմամբ կիրառված ուժը Ոստիկանության թուլության նշան է: Ասաց՝ Ոստիկանությունն իր գործողություններն իրականացնում է օրենքի սահմաններում, անհրաժեշտության դեպքում ուժ էլ կկիրառի:
Մանրամասները՝ տեսանյութում:
Շողիկ Գալստյան
