15.01.2026 | 19:15
Լիտրը 270 դրամ․ ինչու է հեղուկ գազը օր օրի թանկանում. ՏԵՍԱՆՅՈՒԹ
Ճիշտ չեմ համարում, որ սահմանադրությունները երկրում հաճախակի փոխվեն. Նիկոլ Փաշինյան
Քաղաքականություն
17.07.2019 | 20:30
Ես ասել եմ, որ ճիշտ չեմ համարում, որ սահմանադրությունները երկրում հաճախակի փոխվեն: «Ազատություն» ռադիոկայանին տված հարցազրույցում այս մասին ասաց ՀՀ վարչապետ Նիկոլ Փաշինյանը՝ պատասխանելով առաջիկայում սահմանադրական փոփոխությունների հնարավորության մասին հարցին:
«Եվ նաև կարծում եմ՝ խորհրդարանական կառավարման համակարգը պետք է Հայաստանի Հանրապետությունում շանս ստանա, որպեսզի մենք հասկանանք՝ ինչ համակարգ է սա»,- հավելեց նա:
Վարչապետը նշեց, որ հուլիսի 5-ին՝ Սահմանադրության օրվա հետ կապված, արձանագրել է, որ կա մի շատ կարևոր և արդարացի փաստարկ՝ Հայաստանը երբեք ժողովրդի լեգիտիմ քվեն ստացած Սահմանադրություն չի ունեցել և այսօր էլ չունի:
«Չեմ կարծում, որ ճիշտ կլինի՝ Կառավարությունը կամ խորհրդարանական մեծամասնությունը սահմանադրական փոփոխություններ նախաձեռնեն, որովհետև կարող է մեկնաբանվել, որ նոր վարչապետ է, նոր Կառավարություն, և իրենք էլ հիմա իրենց վրա են ուզում ձևել այս Սահմանադրությունը, բայց, կարծում եմ, նորմալ է, եթե հանրության մեջ լինեն այդպիսի նախաձեռնություններ: Կարևորում եմ, որ ՀՀ-ում իսկապես լինի Սահմանադրություն, որի օգտին ժողովուրդն իսկապես գնա քվեարկի»,- ասաց նա:
