08.11.2026 | 12:17
Գորայք-Զանգեր ճանապարհին ձյան պատճառով 6 բեռնատար և մեկ մարդատար ավտոմեքենա արգելափակվել են
Գևորգ Գորգիսյանին դատի են տվել
Հասարակություն
17.07.2019 | 15:28
Ազգային ժողովի «Լուսավոր Հայաստան» խմբակցության պատգամավոր Գևորգ Գորգիսյանին դատի են տվել։
«Արմոս» ՍՊԸ-ն դատական հայց է ներկայացրել ընդդեմ պատգամավորի։
Ինչպես տեղեկանում ենք Դատալեքս տեղեկատվական հարթակից՝ ընկերությունը պահանջում է դատարանից՝ պարտավորեցնել Գորգիսյանին հերքել «Արմոս» ՍՊԸ-ի գործարար համբավն արատավորող տեղեկությունները, հրապարակայնորեն ներողություն խնդրել և փոխհատուցում վճարել։
Նշենք, որ խոսքը վերաբերում է ԱԺ ամբիոնից պատգամավորի հայտարարություններից մեկին, որով նա տեղեկացրել էր, որ իրեն են դիմել «Արմոս» ՍՊ ընկերության կոշիկի ձեռնարկության աշխատակիցները և նշել, որ ընկերությունը չի վճարել իրենց աշխատավարձը: «Բողոքող քաղաքացիների դեմ ընկերությունը սպառնալիքներ է հնչեցրել՝ նշելով, որ այլ տեղում աշխատանք չեն կարող գտնել»,- ասել էր պատգամավորը։
Գևորգ Գորգիսյան-«Արմոս» ՍՊ դատական գործը մակագրվել է Երևան քաղաքի ընդհանուր իրավասության դատարանի դատավոր Ժաննա Ասատրյանին:
