16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Պե՞տք է վեթինգ իրականացնել, թե ոչ. կարծիքներ․ ՏԵՍԱՆՅՈՒԹ
Հասարակություն
16.07.2019 | 19:32
Դեռ մայիսի 20-ին վարչապետ Նիկոլ Փաշինյանը լրագրողների հետ զրույցում նշել էր, որ առաջիկայում իրականացվելու է անցումային արդարադատություն, և դա արվելու է վեթինգի միջոցով։ Փաշինյանը նաև նշել էր, որ առաջիկա մեկ-երկու ամսվա ընթացքում ամփոփելու են վերջին յոթ-ութ ամիսներին անցումային արդարադատության ուղղությամբ կատարած աշխատանքը։
Երեկ, սակայն, «Իրավական ուղի» ՀԿ-ի կողմից հրապարակվեց Վենետիկի հանձնաժողովի 119-րդ նստաշրջանի արձանագրության մասին սահմանափակ տարածման մի փաստաթուղթ, որում նշված էր, որ Հայաստանի իշխանությունները Եվրոպայից ժամանած պատվիրակության հետ քննարկումների արդյունքում հրաժարվել են վեթինգի իրականացումից՝ այն համարելով ո՛չ անհրաժեշտ, ո՛չ էլ օգտակար։
Դրանից հետո Արդարադատության նախարարությունը հանդես եկավ հայտարարությամբ՝ նշելով, որ իրենք հավատարիմ են դատական համակարգի առողջացման գործընթացներին և որ որևէ խզում այս հարցում չկա։
Factor.am-ը փորձել է պարզել՝ ի՞նչ են այս մասին մտածում քաղաքացիները։ Անհրաժե՞շտ է արդյոք վեթինգ իրականացնել, թե՝ ոչ։
Մանրամասները՝ տեսանյութում:
Նելլի Մելքոնյան
