27.06.2026 | 21:49
Վուչիչը հայտարարել է նախագահի պաշտոնում իր «վերջին օրերի» մասին
Ինչո՞ւ են գումար պահանջել 6 տարեկան երեխային բժշկական ծառայություն մատուցելու համար․ պարզաբանում են Առողջապահության նախարարությունից
Հասարակություն
12.07.2019 | 14:23
Ֆեյսբուքյան օգտատերերից մեկը հրապարակել է լուսանկար՝ կից գրառմամբ՝ «Բա ասում են անվճա՞ր ա»։
Այս հրապարակումից պարզ է դառնում, որ 6-ամյա երեխային բուժօգնություն ցուցաբերելու համար գումար են պահանջել: Ըստ հրապարակված լուսանկարի՝ քաղաքացին «Սուրբ Աստվածամայր» բժշկական կենտրոնում վճարել է 4000 դրամ՝ բուժծառայությունից օգտվելու համար։
Factor.am-ը Առողջապահության նախարարությունից հետաքրքրվեց՝ եթե 0-18 տարեկանների համար բժշկական ծառայությունների մատուցումն անվճար է, ինչո՞վ է պայմանավորված, որ քաղաքացին վճարել է, որպեսզի կարողանա օգտվել այդ ծառայությունից։
Առողջապահության նախարարի մամուլի խոսնակ Ալինա Նիկողոսյանը մեզ հետ զրույցում ասաց, որ ծանոթ են քաղաքացու հրապարակած լուսանկարին և տրվել է հանձնարարակ պարզել խնդրի էությունը։
«Պարզվել է, որ քաղաքացին «Սուրբ Աստվածամայր» բժշկական կենտրոնում վճարել է ռենտգենոգրաֆիայի համար, որը պետպատվերով մատուցվող բժշկական ծաայությունների շարքին չի դասվում, բացի այդ, տվյալ քաղաքացին ստացել է արտահիվանդանոցային բուժում»,-պարզաբանեց Նիկողոսյանը։
Հիշեցենք, որ ՀՀ կառավարությունը 12 մլրդ 33 մլն դրամ է հատկացրել առողջապահության ոլորտի առավել հրատապություն և կարևորություն ունեցող մի շարք ծրագրեր ընդլայնելու համար։ Ըստ այդմ՝ 0-18 տարեկանների հիվանդանոցային բուժօգնությունը դարձել է անվճար։
