Հասարակություն
12.07.2019 | 13:49Երևանի աղբահանությունից դժգոհող մի քանի քաղաքացիներ այսօր երեք ակցիա էին կազմակերպել։ «Իրավունքի և արժեքների գերակայություն» ՀԿ անդամները աղբով լի տոպրակներով նախ այցելեցին «Սանիթեք» ընկերություն, ապա Առողջապահության նախարարություն, իսկ վերջում՝ Երևանի քաղաքապետարան։
Քաղաքապետարանում, սակայն, աստիճաններից այն կողմ անցնել քաղաքացիներին չհաջողվեց։ Նրանց ոստիկանները բերման ենթարկեցին՝ ոստիկանի օրինական պահանջին չենթարկվելու համար։ Ոստիկանության աշխատակիցը պահանջեց, որպեսզի ակցիայի մասնակիցները աղբը նետեն աղբամանը, նրանք դա չարեցին, ինչին հաջորդեց բերման ենթարկելը։
Բերման ենթարկված քաղաքացիները՝ Սոնա Աղեկյանն ու Սամվել Մովսիսյանն են։
Հիշեցնենք, որ նախորդ անգամ նման ակցիայից հետո հարուցվել էր քրեական գործ և բերման ենթարկված քաղաքացիները խուլիգանության գործով ներգրավվել էին որպես կասկածյալ։
Մանրամասները՝ տեսանյութում։
Լիլիթ Շաբոյան
