27.10.2026 | 15:39
Ֆինլանդիայի և Նորվեգիայի առաջնորդները հեռախոսազրույց են ունեցել Պուտինի հետ՝ ուկրաինական պատերազմը դադարեցնելու հարցով
«Ռուսթավի 2» ՀԸ-ի տնօրենը խոստացել է միզել Ռուսաստան արտահանվող վրացական գինու և «Բորժոմի»-ի մեջ
Քաղաքականություն
10.07.2019 | 14:48
Վրացական «Ռուսթավի 2» հեռուստաալիքի գլխավոր տնօրեն Նիկա Գվարամիան ուղիղ եթերում ասել է, որ պատրաստ է միզել վրացական գինու և «Բորժոմի»-ի մեջ՝ վրեժխնդիր լինելով այն արտադրողների նկատմամբ, որոնք ապրանք են արտահանում Ռուսաստան. հայտնում է vz.ru-ի թղթակիցը Թբիլիսիից:
«Գրողը տանի այդ «Բորժոմին» էլ ու գինին էլ: Հիմա մենք պետք է ասենք, որ Պուտինը լավն է, որ ինչ-որ մեկը «Բորժոմի», գինի ու «Նաբեգլավի» տանի Ռուսաստա՞ն: Ես կմիզեի այդ ամենի վրա: Ինձ համար միևնույն է: Մենք երկի՞ր ենք, թե՞ առևտրի օբյեկտ»,- բղավել է նա հեռուստաալիքի ստուդիայում:
Ապա Գվարամիան դիմել է արտադրողներին՝ կոչ անելով ապրանքը վաճառել Ուկրաինայում:
«Ի՞նչ եք բռնաբարում մեր քաղաքը: Մեզ արգելել են ազատ արտահայտել մեր մտքերը միայն այն բանի համար, որպեսզի ձեր «Բորժոմին» ազատ վաճառվի Ռուսաստանում»,- բղավել է նա:
Հիշեցնենք՝ «Ռուսթավի 2» ընդդիմադիր հեռուստաընկերության հաղորդավար Գիորգի Գաբունիան իր հեղինակային հաղորդումն սկսել էր ռուսերենով, բացման խոսքում հայհոյելով ՌԴ նախագահ Վլադիմիր Պուտինին։ Հեռուստաընկերության գլխավոր տնօրեն Նիկա Գվարամիան հայտարարել էր, որ անթույլատրելի է համարում հայհոյանքը եթերում, թեև կիսում է հեռուստահաղորդավարի կարծիքը:
