Հասարակություն
10.07.2019 | 11:02Արդեն մի քանի օր է՝ Սյունիքի Ագարակ համայնքում խմորումներ են գնում՝ կապված Ագարակի պղնձամոլիբդենային գործարանի հետ: Ազգային ժողովի ամբիոնից այս մասին հայտնեց «Իմ քայլը» խմբակցության պատգամավոր Արմեն Խաչատրյանը:
«Այս պահին այնտեղ գործադուլ է: Ագարակում ունենք հազարից ավելի աշխատակից: Նրանք գտնում են, որ կոպտորեն խախտվել են իրենց իրավունքները, աշխատանքային իրավունքները չեն պահպանվել և սոցիալական ապահովության մի շարք խնդիրներ են առաջ բերում»,- ասաց Արմեն Խաչատրյանը:
Պատգամավորը Կառավարությանն առաջարկեց հրատապ միջոցներ ձեռնարկել, ուշադրության կենտրոնում պահել խնդիրը:
«Աշխատավորները պահանջներ են ներկայացնում գործարանի տնօրինությանը, որպեսզի վճարեն տարիներ առաջվա արտաժամյա աշխատանքի դիմաց»,- պարզաբանեց Խաչատրյանը:
Մանրամասները՝ տեսանյութում:
