07.10.2026 | 11:33
ՄԱԿ-ի Մարդու իրավունքների խորհուրդը միաձայն ընդունել է Հայաստանի հեղինակած բանաձևը
Մասիսում կրակոցներ հնչեցրած երիտասարդն ազատ է արձակվել
Հասարակություն
09.07.2019 | 12:23
Երեկ գիշերը՝ 23։15-ի սահմաններում ոստիկանության Մասիսի բաժնի ծառայողներից հաղորդում է ստացվել, որ Արարատի մարզի Մասիս քաղաքի հարսանյաց հանդիսությունների սրահներից մեկի բակում կրակոցի ձայներ են լսվել։
Ոստիկանության լրատվական բաժնից Factor.am-ին հայտնեցին, որ դեպքի վայր մեկնած օպերատիվ խումբը սրահի բակից խուլիգանություն կատարելու կասկածանքով իր մեքենայով բերման է ենթարկել 1990 թվականին ծնված, երևանաբնակ մի տղամարդու, որը ներկայացրել է մեկփողանի որսորդական հրացանը և հայտնել, որ 23։00-ի սահմաններում հարսանյաց հանդիսությունների սրահի բակում մեքենայի բեռնախցիկից վերցրել է հրացանը և 4-5 անգամ օդ կրակել։
Հրացանը փորձաքննության է ուղարկվել, իսկ տղամարդը բաց է թողնվել։ Կատարվում է հետաքննություն։
Նելլի Մելքոնյան
