15.01.2026 | 21:00
Ադրբեջանի հարձակումը կլինի ԱՄՆ-ի շահի դեմ․ ՀՀ է գալիս ամերիկյան ֆինանսը և տնտեսական շահը․ Արմինե Մարգարյան․ ՏԵՍԱՆՅՈՒԹ
Ինչպե՞ս է լուծվելու աղբահանության հարցը․ քաղաքապետարանի մուտքի մոտ նետված աղբից մինչև քրեական գործի հարուցում. ՏԵՍԱՆՅՈՒԹ
Հասարակություն
08.07.2019 | 18:15
Երևանի քաղաքապետարանի աշխատակիցներն ու այցելուներն այսօր դժվարություն ունեին քաղաքապետարան մուտք գործելիս. պատճառը մուտքի մոտ լցված աղբակույտն էր։
Երևանի աղբահանությունից դժգոհ մի քանի քաղաքացիներ, ավագանու նախկին անդամ Սոնա Աղեկյանի ուղեկցությամբ աղբը բերել ու նետել էին քաղաքապետարանի մուտքի առաջ՝ ի նշան բողոքի։ Ոստիկանության աշխատակիցը քաղաքացիներին հորդորում էր հավաքել թափված աղբը, մինչդեռ ակցիայի մասնակիցները հրաժարվում էին։ Ի վերջո, ոստիկանները որոշեցին քաղաքացիներին բերման ենթարկել ոստիկանի օրինական պահանջը չկատարելու համար։
Factor.am-ը Ոստիկանությունից տեղեկացավ, որ բերման ենթարկվածները 8-ն են, նրանք այս պահին ազատ են արձակվել։ Բացի այդ, տեղեկանցանք, որ հարուցվել է քրեական գործ խուլիգանության հատկանիշներով՝ այս գործով ութ քաղաքացիները կասկածյալի կարգավիճակ ունեն։ Չնայած դրան, ակցիայի մասնակիցները հայտարարում են, որ վաղը կրկնելու են ակցիան։
Երևանի քաղաքապետի խոսնակ Հակոբ Կարապետյանը, անդրադառնալով ակցիային, ասաց, որ կարծում է հասցեատերը, ոչ թե քաղաքապետարանն էր, այլ «Սանիթեք» ընկերությունը։ Կարապետյանի խոսքով՝ քաղաքապետարանը փորձում է հարցը լուծել բյուջեի միջոցներով։ Այս տարի աղբահանության նոր մեքենաներ և նոր աղբամաններ են ձեռք բերվելու։
Ի դեպ, անդրադառնալով «Սանիթեքի» աշխատանքին, քաղաքապետի խոսնակը վստահեցրեց, որ բյուջեից «Սանիթեքը» իր չկատարած աշխատանքի համար չի վճարվում։
Մանրամասները՝ տեսանյութում։
Լիլիթ Շաբոյան
