Քաղաքականություն
13.09.2017 | 17:48Տրանսպորտի, կապի և տեղեկատվական տեխնոլոգիաների նախարար Վահրամ Մարտիրոսյանը բավարար է գնահատում վարչապետ Կարեն Կարապետյանի պաշտոնավարման մեկ տարին:
Factor.am-ի հարցին՝ ինչո՞ւ բավարար, նախարարն արձագանքեց. «Երկու գնահատական կա՝ բավարար և անբավարար: Սա դպրոց չէ, որ լավ, գերազանց լինի»,- ասաց նա:
Այդուհանդերձ, նախարարը վստահեցրեց, որ առաջիկայում կառավարությունը վարչապետ Կարեն Կարապետյանի գլխավորությամբ կարժանանա գերազանց գնահատականի:
Հարցին, թե 2018 թվականին ում է տեսնում վարչապետի պաշտոնում, Վահան Մարտիրոսյանն ասաց, որ մինչ այդ բավական ժամանակ կա, իր ցանկությունների մասին կարող է և չարտահայտվել: Նախարարը չհամաձայնեց լրագրողի դիտարկման հետ, որ իր պաշտոնավարման ընթացքում Հյուսիս-հարավ մայրուղու կառուցման աշխատանքները տապալվել են: Ասաց՝ ծրագիրը երկարացվել է, շարունակվում է:
Մանրամասները՝ տեսանյութում:
Շողիկ Գալստյան
