09.09.2026 | 13:29
Չի եղել որևէ միջազգային հանդիպում, որ չխոսենք Բաքվում պահվող գերիների վերադարձի մասին․ Կարապետյան․ ՏԵՍԱՆՅՈՒԹ
Հրայր Թովմասյանը Ռոբերտ Քոչարյանի դիմումի հիման վրա քննվելիք գործով զեկուցողների է նշանակել
Հասարակություն
04.07.2019 | 18:40
Սահմանադրական դատարանը (ՍԴ) քննության է ընդունել «Ռոբերտ Քոչարյանի դիմումի հիման վրա՝ ՀՀ Քրեական դատավարության օրենսգրքի 35-րդ հոդվածի և 135-րդ հոդվածի 2-րդ մասի՝ Սահմանադրությանը համապատասխանության հարցը որոշելու վերաբերյալ» գործը: ՍԴ աշխատակազմը նաև գործով զեկուցողների է նշանակել: Այս մասին տեղեկանում ենք ՍԴ պաշտոնական կայքից:
ՍԴ որոշմամբ՝ գործով զեկուցողներ են նշանակվել ՍԴ դատավորներ Ա.Գյուլումյանը, Ա.Դիլանյանը, Ֆ.Թոխյանը, Ա.Թունյանը, Ա.Խաչատրյանը, Հ.Նազարյանը և Ա.Պետրոսյանը:
Միաժամանակ, ՍԴ-ն որոշել է որպես պատասխանող կողմ գործում ներգրավել Քրեական դատավարության օրենսգիրքն ընդունած մարմնին, այսինքն՝ Ազգային ժողովին:
Նշենք, որ գործի դատաքննությունը մեկնարկելու է օգոստոսի 29-ին: ՍԴ նույն որոշման համաձայն՝ դատաքննությունն անցկացվելու է գրավոր ընթացակարգով:
