02.09.2026 | 17:37
Թումանյանում ՏԻՄ ընտրությունների քարոզարշավը մեկնարկում է սեպտեմբերի 2-ին․ ԿԸՀ
Իտալիայում հրաբխի ժայթքման հետևանքով զբոսաշրջիկ է մահացել
Քաղաքականություն
04.07.2019 | 19:40
Իտալիայի Ստրոմբոլի կղզում հրաբխի ժայթքման հետևանքով զբոսաշրջիկ է մահացել: Այս մասին հայտնում է «Ռոսբալտ»-ը՝ վկայակոչելով իտալական ANSA գործակալությանը։
Աղբյուրի փոխանցամբ՝ տուժել է նաև հրաբխի լանջին գտնվող մեկ անձ: Մահացած զբոսաշրջիկի քաղաքացիությունը ճշտվում է:
Զբոսաշրջիկները պատմել են, որ հուժկու պայթյուն են լսել, այնուհետև մոխրի սյուն տեսել: Դրանից հետո կղզին քարերի տարափի տակ է հայտնվել: Հրաբխի լանջերին լավայի հոսքը դեռ շարունակվում է:
Նշենք, որ 1932 թվականից ի վեր Ստրոմբոլիի հրաբուխը մշտապես ակտիվ է: Այն մոլորակի ամենաակտիվ հրաբուխներից է համարվում:
Նելլի Մելքոնյան
