08.11.2026 | 12:17
Գորայք-Զանգեր ճանապարհին ձյան պատճառով 6 բեռնատար և մեկ մարդատար ավտոմեքենա արգելափակվել են
«Մեկ տարի է՝ իրականացվում է խելամտությունից դուրս պրոցես». Քոչարյանի աջակից. ՏԵՍԱՆՅՈՒԹ
Հասարակություն
04.07.2019 | 12:53
ՀՀ երկրորդ նախագահ Ռոբերտ Քոչարյանի աջակիցները Կառավարության դիմաց բողոքի ակցիա են իրականացնում: Նրանք հայտարարում են, որ սահմանադրական կարգը տապալելու համար մեղադրվող Ռոբերտ Քոչարյանի գործն ամբողջությամբ դուրս է եկել իրավական դաշտից և գտնվում է քաղաքական տիրույթում:
«Որոշումները, դատական ակտերը կայացնում են Կառավարության շենքում: Վարչապետը պետք է հաշվի նստի իր իսկ տված խոստումների հետ»,- ասաց նախկին նախագահի աջակից Վահե Եփրիկյանը:
Դիտարկմանը, որ նախկին դատավորներն ու իրավապաշտպանները ևս բարձրաձայնում են այն մասին, որ նախկին իշխանությունների, այդ թվում՝ Ռոբերտ Քոչարյանի օրոք դատարանները ենթարկվել են քաղաքական իշխանություններին, մասնագիտությամբ փաստաբան Վահե Եփրիկյանն ասաց. «Ես չեմ ասում՝ իրավախախտումները և դատարանի ոչ անաչառ լինելը նորույթ է: Ես ասում եմ, որ դա եղել է և կլինի: Իդեալական դատական համակարգ հնարավոր չէ ունենալ: Կարող են լինել բացեր, բայց դրանք կարող են լինել լոկալ դրսևորումներ: Մենք հիմա տեսնում ենք մի գործ, որը մեկ տարի է՝ գտնվում է այս գործընթացում և մեկ տարի է՝ իրականացվում է խելամտությունից դուրս պրոցես»:
Մանրամասները՝ տեսանյութում:
Նարեկ Կիրակոսյան
