13.08.2026 | 01:00
ՊՍԺ-ն` Եվրոպայի Սուպերգավաթի հաղթող. ՏԵՍԱՆՅՈՒԹ
Դատավորը Հայկ Սարգսյանի կնոջը նկատողություն արեց
Հասարակություն
02.07.2019 | 15:15
ՀՀ երրորդ նախագահի եղբոր՝ Ալեքսանդր Սարգսյանի որդու՝ Հայկ Սարգսյանի կինը ամուսնու դատական նիստի ընթացքում նախագահող դատավորից նկատողություն ստացավ։
Բանն այն է, որ Հայկ Սարգսյանի կինը մի քանի այլ անձանց հետ միասին ոտքի չէր կանգնել, երբ նախագահող դատավորը ներս էր մտել։ Դատավորը առաջին շարքում նստած կանանց պարզաբանեց, որ նախագահող դատավորի՝ նիստերի դահլիճ ներս մտնելուն պես նրանք պետք է ոտքի կանգնեն։
Նշենք, որ Հայկ Սարգսյանը մեղադրվում է 11 տարի առաջ տեղի ունեցած հանցագործության՝ սպանության փորձի և ապօրինի կերպով զենք-զինամթերք պահելու համար: Նրան մեղադրանք է առաջադրվել ՀՀ ՔՕ 34-104-րդ հոդվածի 1-ին (սպանության փորձ) մասի և 235-րդ հոդվածի 1-ին մասի (զենք-զինամթերք ձեռք բերելու և պահելը) հատկանիշներով։
Դատական նիստը հետաձգվեց այն կշարունակվի օգոստոսի 16-ին՝ ժամը 14:00-ին։
Նարեկ Կիրակոսյան
