20.04.2026 | 09:48
Արտարժույթների փոխարժեքները՝ ապրիլի 20-ի դրությամբ
Միջգերատեսչական դատաբժշկական փորձաքննությունը կպատասխանի պաշտպանական և մեղադրող կողմին հուզող հարցերին․ ՏԵՍԱՆՅՈՒԹ
Հասարակություն
02.07.2019 | 14:47
Երևանի ընդհանուր իրավասության դատարանը՝ դատավոր Մնացական Մարտիրոսյանի նախագահությամբ, քիչ առաջ վերադառնալով խորհրդակցական սենյակից, որոշեց մերժել պաշտպան Լևոն Բաղդասարյանի միջնորդությունը Գրիգորյանի կալանքը անհապաղ փոխելու և գրավ կիրառելու վերաբերյալ:
Դատարանը, սակայն, հայտնեց՝ գտնում է, որ առաջացել է Մանվել Գրիգորյանի առողջական վիճակի գնահատման համար միջգերատեսչական հանձնաժողովային դատաբժշկական փորձաքնություն նշանակելու անհրաժեշտություն։
Մանվել Գրիգորյանի պաշտպանական կողմը դատարանին հայտնեց, որ իրենք առաջարկում են, որ նշված հանձնաժողովը քննի հետևյալ հարցերը՝
. Մանվել Գրիգորյանի առողջական վիճակի վատթացումը կապվա՞ծ է արդյոք նրա անազատության հետ,
. Անազատության մեջ մնալով կարո՞ղ է արդյոք էլ ավելի վատթարանալ,
. Գնահատել Մանվել Գրիգորյանի առողջության վատթարացման դինամիկան՝ կալանքի տակ գնտվելու օրվանից մինչ փորձաքննության պահը։
Մեղադրող կողմը ևս ներկայացրեց իր հարցադրումները և դատարանը հեռացավ խորհրդակցական սենյակ՝ այս հարցերը միջգերատեսչական դատաբժշկական փորձաքննության ուսումնասիրության առարկա դարձնելու վերաբերյալ որոշում կայացնելու համար։
Դատարանը հարցի վերաբերյալ որոշումը կհրապարակի այսօր՝ ժամը 16։00-ին։
