02.09.2026 | 18:00
Գագիկ Խաչատրյանի փաստաբանները դիմել են ՄԻԵԴ-ին՝ հրատապ միջոց կիրառելու համար․ ՏԵՍԱՆՅՈՒԹ
Լևոն Երանոսյանի գործով տուժող են պատգամավորներ Ալեն Սիմոնյանն ու Արեն Մկրտչյանը. ՏԵՍԱՆՅՈՒԹ
Հասարակություն
02.07.2019 | 12:26
Նախկին փոխոստիկանապետ Լևոն Երանոսյանի գործով տուժողներ են ճանաչվել ԱԺ փոխնախագահ Ալեն Սիմոնյանը և ԱԺ պատգամավոր Արեն Մկրտչյանը: Այս մասին Երանոսյանի գործով նիստին հայտարարեց նիստը նախագահող դատավորը:
Երևանի առաջին ատյանի ընդհանուր իրավասության դատարանի Ավան և Նոր Նորքի նստավայրում ընթանում է ՀՀ նախկին փոխոստիկանապետ Լևոն Երանոսյանի գործով դատական նիստը:
Հիշեցնենք, որ Լևոն Երանոսյանը մեղադրվում է 2018 թվականի ապրիլի 16-ին և 22-ին Երևանում 8 հատ «Զարյա» տեսակի լուսաձայնային նռնակներ կիրառելու և այդպիսով իր լիազորությունների շրջանակից դուրս գործողություններ կատարելու մեջ: Նախկին ոստիկանապետը մեղադրանքն անհիմն է համարում: Նիստին տուժողները և նրանց ներկայացուցիչները ներկա չեն:
Դատավորը նաև հայտնեց, թե, ըստ փորձաքննության արդյունքների, այդ օրերին ինչ վնասվածքներ է ստացել Նիկոլ Փաշինյանը, սակայն վարչապետը Լևոն Երանոսյանի գործով տուժող չի համարվում:
Մանրամասները՝ տեսանյութում:
Նարեկ Կիրակոսյան
