20.12.2025 | 17:32
Եղեգնաձորի տներից մեկում և ավտոտնակում հրդեհ է բռնկվել
Պարզել են՝ Մանվել Գրիգորյանի ոտքերի 50-70 %-ն անզգա են․ Գրիգորյանի պաշտպանը 10 մլն դրամ գրավով խափանման միջոցը փոխելու միջնորդություն ներկայացրեց․ ՏԵՍԱՆՅՈՒԹ
Հասարակություն
02.07.2019 | 12:44
Երևան քաղաքի ընդհանուր իրավասության դատարանում դատավոր Մնացական Մարտիրոսյանի նախագահությամբ շարունակվում է ԵԿՄ վարչության նախկին նախագահ, գեներալ Մանվել Գրիգորյանի և նրա կնոջ՝ Նազիկ Ամիրյանի գործով դատական նիստը։
Նիստի մեկնարկին Մանվել Գրիգորյանի պաշտպան Լևոն Բարսեղյանը դատարանին ներկայացրեց միջնորդություն Գրիգորյանի խափանման միջոց կալանավորումն անհապաղ փոխելու համար՝ ներկայացնելով «Նաիրի» ԲԿ-ի կողմից տրված բժշկական եզրակացությունների արդյունքներն ու Մանվել Գրիգորյանի մոտ կալանքը կրելու ընթացքում ախտորոշված հիվանդությունները։
«Որպեսզի դատարանի համար պարզ լինի ասեմ, որ «Նաիրի» ԲԿ-ում հոսանքով լարման են տվել հիվանդի երկու ոտքերը և հայտնաբերել, որ նրա ոտքերը 50-70 տոկոսով չեն արձագանքում, դարձել են անզգա»,- իր պաշտպանյալի առողջական վիճակի վերաբերյալ բժշկական եզրակացության արդյունքներն ընթերցեց Լևոն Բարսեղյանը։
Պաշտպանը նշեց, որ եթե դատարանը կգտնի, որ նման ծանր պայմաններում գտնվող հիվանդը կարող է խափանման միջոց կալանավորումը փոխելուց հետո խոչընդոտել քննության ընթացքին՝ խնդրում են կիրառել 10 մլն դրամ գրավ։
Մանրամասները՝ տեսանյութում։
