07.03.2026 | 22:11
Նոր նշանակումներ՝ մարմնամարզության Հայաստանի հավաքականներում
«Ջրի մաֆիա» ասելը մի քիչ բարձր է հնչում․ Ջրային կոմիտեի նախագահը՝ վարչապետի հայտարարության մասին
Հասարակություն
02.07.2019 | 13:44
Ապօրինի ջրօգտագործողների ցանկում բարձրաստիճան նախկին պաշտոնյաներ չկան․ նրանք այդ գործն իրականացրել են իրենց ազգական-բարեկամների և իրենց հետ կապ ունեցող այլ անձանց միջոցով։
Այս մասին այսօր հրավիրված մամուլի ասուլիսի ժամանակ ասաց Ջրային կոմիտեի նախագահ Վարդան Մելքոնյանը՝ նշելով, որ կան հարուցված տարբեր քրեական գործեր ապօրինի ջրօգտագործման փաստով։
Վերջինս նաև հավելեց, որ անբարեխիղճ ջրօգտագործողներից կան նաև այնպիսիք, որոնք փորձում են իրավական դաշտ բերել իրենց ջրօգտագործումը և դառնալ պարտաճանաչ բաժանորդներ։
Լրագրողի հարցին՝ իսկ արդյոք կապիտուլյացիայի են ենթարկվել «ջրային մաֆիայով» զբաղվողները, ինչպես իր ելույթներից մեկում ասել էր վարչապետ Նիկոլ Փաշինյանը, Վարդան Մելքոնյանն ասաց․««Ջրի մաֆիա» ասելը մի քիչ բարձր է հնչում։ Այո՛, ծանոթ եմ, ես էլ եմ լսել։ Եթե իրենց գնահատենք, ապա նրանք անբարեխիղճ, ոչ պարտաճանաչ և իրենց բիզնեսի շահերը պաշտպանող ինչ-որ խումբ մարդիկ են, որոնք, այո՛, տարիներ շարունակ ունեցել են ջուր, ջրի համար վճարել են չնչին։ Այդ դեպքերով էլ կան հարուցված քրգործեր»։
