17.09.2026 | 23:38
Սամվել Կարապետյանի տնային կալանքը երկարաձգվել է
Ցավում եմ՝ Դուք մեր թեկնածուն չեք. Արման Բաբաջանյանը՝ ԲԴԽ անդամի թեկնածուին․ ՏԵՍԱՆՅՈՒԹ
Քաղաքականություն
01.07.2019 | 13:59
Ի՞նչ նոր գործիքներով պետք է օժտվի Բարձրագույն դատական խորհուրդը, որպեսզի վեթինգի գործընթացն իրականություն դառնա հնարավորինս անցնցում և այնտեղ կարևոր տեղ ունենա բարեվարքությունը։
Այս մասին այսօր Ազգային ժողովում Բարձրագույն դատական խորհրդի անդամի թեկնածու Աննա Մարգարյանից հետաքրքրվեց «Լուսավոր Հայաստան» խմբակցության պատգամավոր Արման Բաբաջանյանը՝ հիշեցնելով, որ այսօր դատավորները, ինչ-որ անհայտ պայմանների բերումով, շատ հարուստ են, և փաստորեն, ԲԴԽ-ին է վիճակված հենց այս հումքի վրա վստահության աստիճանը բարձրացնելու գործը։
Պատգամավորի հարցին ի պատասխան՝ Աննա Մարգարյանը նկատեց, այս պահին հայտարարագրման մեխանիզմների պահանջները միջազգային պահանջներին համապատասխանում են և եթե դատավորների հայտարարագրերի հետ կապված լինեն որոշակի հարցեր, ապա պետք է նախ հասկանալ, թե ԲԴԽ-ն այս հարցում ի՞նչ գործիքներ կարող է կիրառել։
«Մենք այդ հարցում պետք է գնանք իրավական դաշտ․ եկեք թյուրըմբռնում չունենանք, ցանկացած պարագայում լուծումը պետք է լինի իրավական նորմերի հիման վրա, և սա ինձ մոտ սկզբունքային է։ Այլ լուծում չեմ պատկերացնում»,- ասաց Աննա Մարգարյանը՝ պատասխանելով պատգամավորի մի քանի հարցի ևս, ինչից հետո Բաբաջանյանն ասաց․ «Ցավով պետք է նշեմ՝ Դուք մեր թեկնածուն չեք, Ձեր թեկնածության վերաբերյալ կան վերապահություններ»։
Մանրամասները՝ տեսանյութում։
