15.01.2026 | 19:15
Լիտրը 270 դրամ․ ինչու է հեղուկ գազը օր օրի թանկանում. ՏԵՍԱՆՅՈՒԹ
Ինչպես վստահել դատարաններին․ ԲԴԽ անդամի թեկնածուն կարևոր բաղադրիչներն է թվարկում․ ՏԵՍԱՆՅՈՒԹ
Հասարակություն
01.07.2019 | 13:13
Ազգային ժողովի «Իմ քայլը» խմբակցության պատգամավոր Հովհաննես Իգիթյանն այսօր խորհրդարանում ԲԴԽ անդամի թեկնածու Աննա Մարգարյանից հետաքրքրվեց՝ ինչ քայլեր պետք է իրականացնել, որպեսզի հասարակության մեջ բարձրանա դատարանների նկատմամբ վստահությունը։
Ի պատասխան Մարգարյանը նշեց, որ դատական համակարգի նկատմամբ վստահության բարձրացման համար ինքը կարևորում է երեք բաղադրիչ՝ գործի արդյունավետություն, կոռուպցիայի վերացում և դատարանի նկատմամբ հարգանք։
«Կոռուպցիա ասելով չպետք է հասկանալ միայն կաշառակերությունը․ կոռուպցիա է նաև ազդեցության մեխանիզմների կիրառումն ու լիազորությունների չարաշահումը։ Իսկ այս հարցում պետք է ներգրավվեն նաև իրավապահ մարմինները։ Հաջորդ կարևոր բաղադրիչը գործի արդյունավետ քննության իրականացումն է․ եթե քաղաքացին դիմի դատարան և իմանա, որ այդ գործը կքննվի ոչ թե տարիներ, այլ կտևի մի քանի ամիս, այն ժամանակ վստահությունը դատարանի նկատմամբ կբարձրանա»,- ասաց Աննա Մարգարյանը։
Վերջինս նաև կարևորեց դատավորի և դատական համակարգի նկատմամբ հարգանքի դրսևորումը ոչ միայն շարքային քաղաքացու, այլ նաև պաշտոնատար անձանց մոտ՝ ընդգծելով, որ դա ևս վստահության բարձրացմանը միտված կարևոր քայլ է։
Մանրամասները՝ տեսանյութում։
