08.06.2026 | 08:30
Ամփոփվել են 1924 ընտրատեղամասերից ստացված նախնական արդյունքները. ԿԸՀ
Մանվել Գրիգորյանի և նրա հարազատների նկատմամբ իրականացվում է հաշվեհարդար. պաշտպան. ՏԵՍԱՆՅՈՒԹ
Հասարակություն
25.06.2019 | 13:14
Մանվել Գրիգորյանի և Նազիկ Ամիրյանի գործով այսօրվա դատական նիստին Գրիգորյանի պաշտպաններից Լևոն Բաղդասարյանը դիրքորոշում հայտնեց իր պաշտպանյալին առաջադրված մեղադրանքի վերաբերյալ։
Նա Գրիգորյանին առաջադրված յուրացումներ կատարելու մեղադրանքը համարեց հորինված և Գրիգորյանի պատվին ու արժանապատվությանն ուղղված քայլ։
«Անձին մեղադրում են հարկեր, տուրքեր վճարելուց խուսափելու մեջ, մինչդեռ նա իր բոլոր ձեռնարկությունները հանձնել էր հավատարմագրային կառավարման, ինչի պարագայում չէր կարող թաքցնել կամ խուսափել հարկեր վճարելուց»,- հայտարարեց պաշտպանը՝ հարկերից խուսափելու մեղադրանքը անհեթեթ որակելով։
Պաշտպանը միաժամանակ նկատեց, որ թեև Գրիգորյանը չի ընդունում առաջադրված մեղադրանքը, սակայն ցանկություն է հայտնել իր կողմից պատճառված ենթադրյալ վնասի հնգապատիկի չափով նվիրատվություն անել պետությանը։ «Մանվել Գրիգորյանի, Նազիկ Ամիրանի և նրա մերձավորների նկատմամբ քրեական հետապնդում են իրականացնում՝ հաշվեհարդար տեսնելու նպատակով»,- ասաց նա։
Մանրամասները՝ տեսանյութում:
Լիլիթ Շաբոյան
