16.11.2024 | 22:58
«Մանկական Եվրատեսիլ – 2024»-ում հաղթեց Վրաստանը
Մեկ տարուց ավելի ժամանակ են կորցրել, լուրջ մոտեցում չցուցաբերվեց․ Լուսինե Հակոբյան. ՏԵՍԱՆՅՈՒԹ
Հասարակություն
25.06.2019 | 12:45
«Ուզում եմ մտահոգություն հայտնել, որ մենք մեկ տարուց ավելի ժամանակ կորցրինք և լուրջ մոտեցում չցուցաբերվեց դատաիրավական համակարգի բարեփոխումների համար։ Այսօր մենք լսում ենք, որ արդարադատության փոխնախարարը այս քննարկումից շտապում է նախարարություն, քանի որ ստրատեգիայի վրա պետք է աշխատեն, սակայն այդ ստրատեգիան էլ պետք է լիներ քննարկման առարկա։ Վեթինգը, անցումային արդարադատությունը ես դիտարկում եմ իբրև դատաիրավական բարեփոխումների մաս։ Քաղհասարակությունը և իշխանությունը ակտիվորեն պետք է ձեռնամուխ լինեն ստեղծելու փաստաթուղթ, թե ի՞նչ պետք է արվի դատական իշխանության ապաքինման համար»,- «Անցումային արդարադատությունը և դատաիրավական բարեփոխումները Հայաստանի Հանրապետությունում. հակադրու՞մ, թե՞ փոխլրացում» թեմայով քննարկմանն ասաց «Իրավունքի Եվրոպա միավորում» ՀԿ նախագահ Լուսինե Հակոբյանը։
Նրա կարծիքով՝ եթե գնանք միայն վեթինգ իրականացնելու ճանապարհով, խնդիրներ կլինեն:
«Ենթադրում եմ՝ դատավորների մի մասն այլևս չի կարողանա պաշտոնավարել, բայց նրանց փոխարեն ովքե՞ր պետք է պաշտոնավարեն, որ արդարադատության դեֆիցիտի առաջ չկանգնենք։ Պետք է ապահովել համակարգը նոր, որակյալ դատավորներով համալրելու գործընթացը»,- նշեց տիկին Հակոբյանը։
Մանրամասները՝ տեսանյութում:
Ռոբերտ Անանյան
