11.01.2025 | 18:00
Հայաստանի էներգետիկ անվտանգության գլխին կախված Դամոկլյան սուրը
Ռոբերտ Քոչարյանից հօգուտ Նիկոլ Փաշինյանի կգանձվի 200 հազար դրամ
Հասարակություն
24.06.2019 | 19:29
Դատարանի որոշմամբ Ռոբերտ Քոչարյանն ընդդեմ Նիկոլ Փաշինյանի գործը կարճվեց:
Հիշեցնենք, որ հայցվոր կողմը հրաժարվեց հայցից, քանի որ Նիկոլ Փաշինյանի ներկայացուցիչը դատարանում պնդեց, որ Փաշինյանի խոսքերը ուղղված չեն եղել Քոչարյանին:
Նիկոլ Փաշինյանը Քոչարյանից որպես դատական ծախսերի գումար պահանջել էր 650 հազար դրամ, մինչդեռ դատարանի որոշմամբ Քոչարյանից հօգուտ Փաշինյանի կգանձվի 200 հազար դրամ գումար:
Նշենք, որ ՀՀ երկրորդ նախագահ Ռոբերտ Քոչարյանը քաղհայցով դատարան էր դիմել՝ պահանջելով ՀՀ վարչապետ Նիկոլ Փաշինյանին պարտավորեցնել հրապարակայնորեն ներողություն խնդրել իրենից։ Ռոբերտ Քոչարյանը զրպարտություն էր համարում Փաշինյանի հետևյալ խոսքերը. «Կամ թեկուզ Ռոբերտ Քոչարյանին ազատ արձակելու մեկնաբանությունը: Ասում է՝ անձեռնմխելի է: Ի՞նչ է նշանակում անձեռնմխելի: Այսինքն, կարելի է մարդկանց սպանությունը կազմակերպել ու ասել՝ «Ես անձեռնմխելի՞ եմ»: Այդ որտե՞ղ է այդպես գրած»,- ասել էր Փաշինյանը:
Լիլիթ Շաբոյան
