16.11.2024 | 22:58
«Մանկական Եվրատեսիլ – 2024»-ում հաղթեց Վրաստանը
Բռնությունների ու վայրագությունների հեղինակները մինչ օրս պատասխանատվության չեն ենթարկվել․ Աշոտ Մելիքյան. ՏԵՍԱՆՅՈՒԹ
Հասարակություն
24.06.2019 | 11:33
2015 թվականի հունիսի 23-ից 4 տարի է անցել։ Այդ օրը Ոստիկանությունը աննախադեպ բռնություններ էր կիրառել էլեկտրաէներգիայի թանկացման դեմ պայքարող ցուցարարների նկատմամբ, տուժել էին նաև մեծաթիվ լրագրողներ։
«Մեդիա կենտրոնում» «Էլեկտրիկ Երևան. 4 տարի անց» թեմայով քննարկմանը «Խոսքի ազատության պաշտպանության կոմիտեի» նախագահ Աշոտ Մելիքյանն ասաց, որ բռնությունների ու վայրագությունների հեղինակները մինչ օրս պատասխանատվության չեն ենթարկվել:
«Ամենատարօրինակն այն է, որ հետհեղափոխական Հայաստանում ՀՔԾ-ն կասեցրեց գործի ընթացքը, դա մեզ համար անսպասելի էր։ Մենք այլ տեսակետ ու ակնկալիք ունեինք, որ շատ արագ առաջընթաց կարձանագրվի, բայց երբ տեսանք, որ կասեցվել է, ստիպված եղանք լրագրողների շահերը ներկայացնելով դիմել Դատախազություն և բողոքարկել քննիչի որոշումը։ Փառք Աստծո, որ Դատախազությունը կասեցրեց այդ որոշումը և պարտադրեց վերսկսել քննությունը»,- ասաց ԽԱՊԿ ղեկավարը։
«Էլեկտրիկ Երևանի» դեպքերից տուժել է նաև լրագրող Թեհմինե Ենոքյանը։
Հիշեցնենք, որ 2015թ. հունիսի 23-ին բերման է ենթարկվել 250 մարդ, բայց ընդամենը 52 անձ է տուժող ճանաչվել։ ՀՔԾ-ն գործի վարույթը կասեցրել էր մեղադրյալ անձանց բացակայության հիմքով։ Լրագրողը բացահայտել է մի քանի անձանց ինքնություն, որոնք մասնակցել են ոստիկանական բռնություններին։
Մանրամասները՝ տեսանյութում:
Ռոբերտ Անանյան
