13.12.2024 | 12:21
Հայտնաբերվել է 3 հետախուզվող
Արման Թաթոյանը հայտարարություն է տարածել Թբիլիսիում ՀՀ քաղաքացի ձերբակալելու առնչությամբ
Հասարակություն
22.06.2019 | 15:44
Հայաստանի մարդու իրավունքների պաշտպան Արման Թաթոյանը հայտարարություն է տարածել Թբիլիսիում ՀՀ քաղաքացու ձերբակալելու առնչությամբ։ Նա տեղեկացրել է, որ կապի մեջ է Վրաստանի գործընկերոջ՝ Հանրային պաշտպան Նինո Լոմջարիայի հետ:
ՀՀ քաղաքացուն ձերբակալել են երեկ։ Վրաստանում Հայաստանի դեսպանատան տեղեկացմամբ՝ ձերբակալված անձը 1995 թ. ծնված Մինաս Մինասյանն է, սովորում է Թբիլիսիում և, ըստ նախնական տեղեկության, ծնունդով ՀՀ Արմավիրի մարզի Արմավիր քաղաքից է:
Թբիլիսում ձերբակալված հայը որևէ բողոք չունի. դիվանագետները տեսակցել են նրան:
«Նա 13 օր կլինի վարչական կալանքի տակ՝ ոստիկանի օրինական պահանջը չկատարելու համար։ Նրա կալանքի դատական նիստը մոնիտորինգի է ենթարկել նաև Վրաստանի հանրային պաշտպանի ներկայացուցիչը»,- գրել է Թաթոյանը` հավելելով, որ իրենք կապի մեջ են նաև ձերբակալվածի հարազատների հետ:
Գրառման վերջում Թաթոյանը մաղթել է հարևան երկրում ստեղծված իրավիճակի արագ ու խաղաղ հանգուցալուծում։
