15.05.2026 | 23:20
Հուլիսի 1-ից Երևան-Բուխարեստ նոր ուղիղ չվերթ կմեկնարկի
Ռոբերտ Քոչարյանի պաշտպանական խումբը տեղեկություն չունի Քոչարյանի դիմումը ՍԴ-ն վարույթ ընդունել է, թե՝ ոչ
Հասարակություն
21.06.2019 | 14:38
Այսօր որոշ լրատվամիջոցներ տեղեկություն տարածեցին, որ Քրեական դատավարության 135 և Քրեական օրենսգրքի 301.1 հոդվածով Սահմանադրական դատարանը վարույթ է ընդունել ՀՀ երկրորդ նախագահ Ռոբերտ Քոչարյանի դիմումը:
Տեղեկությունը Factor.am-ը փորձեց ճշտել Ռոբերտ Քոչարյանի պաշտպան Հովհաննես Խուդոյանից։
«Ռոբերտ Քոչարյանի գործի վերաբերյալ այսօր որոշ կայքերում հայտնված տեղեկության վերաբերյալ մենք որևէ տեղեկություն չունենք։ Այդ մասին իմացել ենք կայքերից։ Դիմելու ենք Սահմանադրական դատարան՝ այդ տեղեկատվությունը ճշտելու համար։ Պաշտպանական խմբի կողմից տեղեկատվություն կհրապարակվի ՍԴ-ից համապատասխան որոշումը ստանալուց հետո»,- ասաց պաշտպանը։
Հիշեցնենք, որ դատավոր Դավիթ Գրիգորյանը մայիսի 20-ին որոշում էր կայացրել Ռոբերտ Քոչարյանի և մյուսների վերաբերյալ գործի վարույթը կասեցնել և Քոչարյանին և մյուսներին առաջադրված ՀՀ ՔՕ 300.1 հոդվածի՝ (սահմանադրական կարգը տապալելը) սահմանադրականության հարցը պարզելու հիմքով դիմել ՍԴ։ Բացի այդ, դատարանն արձանագրել էր, որ Քոչարյանն օգտվում է պաշտոնաթող նախագահի համար ՀՀ Սահմանադրությամբ նախատեսված գործառութային անձեռնամխելության երաշխիքից:
