19.04.2026 | 23:45
Գետերում նկատվում է ջրի մակարդակի բարձրացում. ՆԳՆ ՓԾ-ն անցել է ուժեղացված ծառայության
«Ես չէի պատկերացնում, որ այս աստիճան լկտիություն կլինի Վերաքննիչ դատարանի անդամի կողմից». Քոչարյանի պաշտպան. ՏԵՍԱՆՅՈՒԹ
Հասարակություն
21.06.2019 | 14:08
ՀՀ երկրորդ նախագահ Ռոբերտ Քոչարյանի գործով դատավոր Արմեն Դանիելյանը հունիսի 20-ին մերժեց պաշտպանական կողմի միջնորդությունը՝ նշելով, որ պաշտպանության կողմի վարքագիծն ուղղված է դատական նիստի ընթացքը խաթարելուն:
Դատարանը հեռացել է խորհրդակցական սենյակ՝ վերջնական դատական ակտ կայացնելու: Որոշման մասին կհայտարարվի հունիսի 25-ին, ժամը 16:00-ին: Այս որոշումն առաջացրել է Քոչարյանի պաշտպանների զայրույթը: Այսօր հրավիրված ասուլիսում Քոչարյանի փաստաբաններից Ռուբեն Սահակյանը հայտարարեց, որ դատավորի այդ քայլը պլանավորված գործողություն էր:
«Նախապես որոշված էր, որ դատավորը մի քանի անգամ հարցերը կուղղի կոլեգայիս՝ Հովհաննես Խուդոյանին, Դուք այս եք անելու՞, թե՞ այն եք անելու: Ես չէի պատկերացնում, որ այս աստիճան լկտիություն կլինի Վերաքննիչ դատարանի անդամի կողմից, բայց այդ լկտիությունը տեղի ունեցավ: Նա նախապես էր պատրաստել այդ գործընթացը»,- պնդեց Ռուբեն Սահակյանը:
Մանրամասները՝ տեսանյութում:
Նարեկ Կիրակոսյան
