Հասարակություն
19.06.2019 | 16:26
Մարտի 1-ի գործով մեղադրյալներ՝ Ռոբերտ Քոչարյանի, Սեյրան Օհանյանի, Յուրի Խաչատուրովի և Արմեն Գևորգյանի վերաբերյալ բողոքի գործով դատական նիստը հետաձգվեց:
Դատավոր Արմեն Դանիելյանի որոշմամբ նիստը կշարունակվի վաղը՝ ժամը 14:00-ին:
Այսօրվա դատական նիստին վերաքննիչ բողոքները ներկայացրին մեղադրանքի կողմը և տուժողի ներկայացուցիչ Սեդա Սաֆարյանը: Ելույթներ ունեցան զոհերի հարազատները: Սեդա Սաֆարյանը նաև ներկայացրեց տուժողների իրավահաջորդների ներկայացուցիչ Վահե Գրիգորյանի վերաքննիչ բողոքը:
Վաղվա նիստում առարկություններով հանդես կգա պաշտպանական կողմը: Ռոբերտ Քոչարյանն այսօրվա նիստին չէր մասնակցում:
Լիլիթ Շաբոյան
