08.06.2026 | 10:57
Ընտրատեղամասի հարակից տարածքում դանակահարության դեպքով վարույթ է նախաձեռնվել սպանության հոդվածով
Ի՞նչն էր խանգարում Ռոբերտ Քոչարյանին հրաման արձակել՝ չկրակել ժողովրդի վրա․ Մարտի 1-ի զոհի հայր. ՏԵՍԱՆՅՈՒԹ
Հասարակություն
19.06.2019 | 15:33
Այսօր դատարանում ելույթով հանդես եկավ Մարտի 1-ի զոհ Գոռ Քլոյանի հայրը՝ Սարգիս Քլոյանը, որը դատարանում պնդեց, որ Մարտի 1-ի անկարգությունների համար սադրիչներ են գործի դրվել․ «9:10 ես զանգել եմ իմ որդուն, պատասխանող չկար, վերցրել է մի աղջիկ ու ասել է, որ տղաս գտնվում է վերակենդանցման բաժանմունքում։ Ես տեսա արյան լճակ, որը ինձ քաշեց, հետագայում իմացա, որ դա որդուս արյունն է»,- դատարանում պատմեց Քլոյանը։
Նա պնդեց՝ գիտի որդուն սպանողի անունը, այդ մասին բազմիցս հայտնել է վարույթն իրականացնող մարմնին։ Սարգիս Քլոյանն ասաց, ընդդիմության ձեռքին զենք չի եղել․ «Փաստաբանները հակառակ պնդումներն են անում, ֆիլմեր են ցույց տալիս, բայց չկա նման բան ընդդիմության ձեռքին մեկ զենք անգամ չի եղել»։
Սարգիս Քլոյանը հռետորական հարց հնչեցրեց․ «Ի՞նչն էր խանգարում Ռոբերտ Քոչարյանին հրաման արձակել՝ չկրակել ժողովրդի վրա, ասեր՝ ինչ ուզում եք արեք, ժողովրդի վրա չկրակե՛ք։ Նման մի հրաման արձակելուց հետո մենք ստեղ նստած չէինք լինի, ինքն էլ երևի չէր դատապարվի»։
Մանրամասները՝ տեսանյութում։
Լիլիթ Շաբոյան
