07.10.2026 | 23:00
Երթևեկության կազմակերպման փոփոխություն՝ Հակոբ Պարոնյան փողոցում
Միշել Պլատինին ազատ է արձակվել. նա պատմել է՝ ինչ թեմաների շուրջ է եղել հարցաքննությունը
Հասարակություն
19.06.2019 | 15:39
ՈՒԵՖԱ-ի նախկին ղեկավար Միշել Պլատինին ազատ է արձակվել: Մինչ այդ, նա մի քանի ժամ հարցաքննվել է, գրում է ՌԻԱ Նովոստին:
Պլատինին հայտնել է, որ հարցաքննության ժամանակ իրեն հարցրել են 2016 թվականին Ֆրանսիայում անցկացված Եվրոպայի առաջնության, Ռուսաստանում և Կատարում Աշխարհի առաջնությունների, ինչպես նաև «Պարի Սեն Ժերմեն» ակումբի և ՖԻՖԱ-ի մասին:
«Չնայած ես գնացել էի որպես վկա, ինձ անմիջապես ձերբակալեցին: Տհաճ էր: Շատ երկար էր, բայց հաշվի առնելով հարցերի քանակը՝ չէր կարող երկար չտևել: Հարցրեցին Եվրո-2016-ի, Ռուսաստանում անցկացված աշխարհի առաջնության, Կատարի Աշխարհի առաջնության, ՊՍԺ-ի, ՖԻՖԱ-ի մասին: Ես հանգիստ էի, քանի որ որևէ առնչություն չունեմ այդ մեքենայություններին»,- ասել է Միշել Պլատինին:
Նախօրեին Mediapart-ը հայտնել էր, որ Պլատինին ձերբակալվել է Փարիզի Նանտեր արվարձանում, դատական ոստիկանության Հակակոռուպցիոն վարչության գրասենյակում: Նրան կասկածում են 2022 թվականի Աշխարհի առաջնության անցկացման վայրի ընտրության ժամանակ Կատարի օգտին որոշում կայացնելու համար կաշառք վերցնելու մեջ:
