08.06.2026 | 12:24
Հայաստանի ժողովուրդը քվեարկել է խաղաղության և կայունության համար․ Անտոնիո Կոշտան շնորհավորել է Փաշինյանին
Քոչարյանի աջակիցների էլիտար ցույցը. նրանք թանկարժեք մեքենաներով են եկել. ՏԵՍԱՆՅՈՒԹ
Հասարակություն
19.06.2019 | 14:02
Հաջակցություն Ռոբերտ Քոչարյանի Վերաքննիչ դատարանի բակ եկած մի խումբ քաղաքացիներ հրաժարվում են պատասխանել հարցին՝ իրենց ցույցի համար ո՞վ կամ ովքե՞ր են էլիտար պայմաններ ստեղծել: Խոսքը, մասնավորապես, այն մասին է, որ Քոչարյանի կողմնակիցները կանգնած են թանկարժեք հովանոցների տակ, ոմանք եկել են նաև թանկարժեք մեքենաներով:
«Մենք մեզ սիրում ենք և փորձում են համապատասխան պայմաններ ստեղծել, որպեսզի կարողանանք այստեղ աջակցել»,- ասաց ցուցարարներից մեկը: Իսկ հարցին՝ Քոչարյանների ընտանի՞քն է նման պայմաններ ստեղծել, բացասական պատասխան տվեց:
Լրագրողներից մեկը նկատեց, որ Ռոբերտ Քոչարյանի որդին՝ Լևն Քոչարյանը չի բացառել, որ ցուցարարներին սննդով, ջրով և արևից պաշտպանող հովանոցներով իր ընկերներն են ապահովում: «Չի բացառվում, հնարավոր է»,- ասացին նրանք:
Ցուցարարներից նաև հետաքրքրվեցինք՝ ովքե՞ր են այն անձինք, որոնք ի աջակցություն Ռոբերտ Քոչարյանի դատարանի բակ են եկել թանկարժեք մեքենաներով, ինչին պատասխանեցին. «Ինչո՞ւ եք ներխուժում ուրիշի անձնական կյանք, Ձեզ ինչ՝ թանկարժեք է այդ մեքենան, թե՝ ոչ: Կան հստակ մարդիկ, ովքեր ցանկանում են աջակցել Ռոբերտ Քոչարյանին, և այդ մարդիկ պատրաստ են անել ամեն ինչ, որպեսզի հասնեն իրենց նպատակին»:
Ցուցարարները, միաժամանակ, հերքեցին տեղեկությունները, որ գումարի դիմաց են ցույցերին մասնակցում:
Մանրամասները՝ տեսանյութում:
Նարեկ Կիրակոսյան
