08.11.2026 | 17:07
Ադրբեջանի պաշտպանության նախարարը կորոնավիրուսով է վարակվել
Ասացի՝ ինձ առաջադրված մեղադրանքի հետ համաձայն չեմ և դուրս եկա ոստիկանության բաժանմունքից․ Ջիվան Աբրահամյան
Հասարակություն
18.06.2019 | 19:51
Րոպեներ առաջ Շենգավիթի ոստիկանության բաժանմունքից դուրս եկան արդեն երեք ժամ այնտեղ գտնվող 5 ակտիվիստները։
Լրագրողների հետ զրույցում ակտիվիստներից Ջիվան Աբրահամյանը նշեց, որ իրեն ոստիկանության բաժանմունքում առաջադրված մեղադրանքի հետ համաձայն չի եղել։
«Թյուրիմացություն էր տեղի ունեցել, ես ինձ առաջադրված մեղադրանքի հետ համաձայն չէի։ Նշել էին՝ 182-րդ հոդվածը, հայտնեցի, որ համաձայն չեմ այդ հոդվածի հետ, ասում էին, որ ես փորձել եմ անցնել արգելապատնեշների վրայով, սակայն ես նման բան չեմ արել, տեսախցիկներն էլ նկարել են ակցիան։ Այնպես որ ասացի, որ համաձայն չեմ և դուրս եկա։ Բայց ես ծանոթ չեմ ինձ հետ եկած մյուս 4 մասնակիցների հետ ինչ են խոսել»,-ասաց Ջիվան Աբրահամյանը՝ ակցիայի մասնակիցներին խորհուրդ տալով այսօր դադարեցնել ակցիան և այն վերսկսել վաղը առավոտյան ժամը 09։00-ին։
Հիշեցնենք, որ Ռոբերտ Քոչարյանի կալանավորման պահանջով բողոքի ակցիա իրականացնող 5 ակտիվիստներն ավելի վաղ հրավիրվել էին ոստիկանություն՝ բացատրություն տալու։
