09.09.2026 | 19:47
Սեպտեմբերի 10-ից մինչև նոյեմբերի 1-ը փակ կլինի Կոմիտասի պողոտա-Դավիթ Անհաղթի փողոց ուղեանցի վերին հատվածը
Բացառապես արդյունավետ. Վահե Գրիգորյանը՝ Հրայր Թովմասյանի հետ աշխատանքի մասին․ ՏԵՍԱՆՅՈՒԹ
Հասարակություն
18.06.2019 | 17:59
Սահմանադրական դատարանի նորընտիր դատավոր Վահե Գրիգորյանի համար անակնկալ չէր իր ընտրվելը։ Այս մասին ընտրվելուց հետո խորհրդարանում լրագրողների հետ զրույցում ասաց Վահե Գրիգորյանը։
«Ես ասել էի, որ շատ բարձր հավանականություն եմ տեսնում ինձ ընտրելու, դա ինձ համար անակնկալ չէր»,- նշեց Գրիգորյանը։
Հիշեցմանը, որ նախորդ առաջադրման ժամանակ իր ելույթում ասել էր՝ նախընտրում է ընտրվել 6-րդ գումարման խորհրդարանի կողմից, Գրիգորյանն արձագանքեց. «Ընտրված լինել դեմոկրատական ընտրություններով ձևավորված ԱԺ-ի կողմից և լինել Հայաստանի առաջին դատավորը՝ դեմոկրատական ընտրություններով ձևավորված խորհրդարանի կողմից, մի քանի աստիճան շատ ավելի բարձր պատիվ է ցանկացած դատավորի համար և մի քանի աստիճան շատ ավելի բարձր պատասխանատվություն»։
Լրագրողները նաև հետաքրքրվեցին՝ ինչպե՞ս է պատկերացնում աշխատանքը ՍԴ նախագահ Հրայր Թովմասյանի հետ: Վահե Գրիգորյանն ասաց՝ որքան էլ տաօրինակ հնչի՝ բացառապես արդյունավետ։
Մանրամասները՝ տեսանյութում:
Շողիկ Գալստյան
