16.12.2025 | 13:33
Արման Ծառուկյանի մրցակիցը փոխվել է
Ծանուցագիրը դնեի ռամկայի մեջ, կախեի Այվազովսկու նկարի կողքի՞ն. Գագիկ Ծառուկյանը պնդում է՝ իրավունք չունեին իրեն ծանուցագիր ուղարկել. ՏԵՍԱՆՅՈՒԹ
Քաղաքականություն
18.06.2019 | 10:44
Ծանուցագիր երբ ուղարկում են, դնեմ «ռամկայի» մեջ, կախեմ պատի՞ն: Խորհրդարանում լրագրողների հետ զրույցում ասաց ԱԺ «Բարգավաճ Հայաստան» խմբակցության ղեկավար Գագիկ Ծառուկյանը՝ արձագանքելով հարցին, որ եթե Քննչական կոմիտեն ծանուցագիր ուղարկի, ապա այն կրկին կպատռի՞:
Հիշեցնենք, որ Աբովյանի ընտրությունների նախօրեին «Քաղաքացիական պայմանագիր» կուսակցության քաղաքապետի թեկնածուի նախընտրական շտաբի ղեկավարի ավտոմեքենայի հրկիզմանն անդրադառնալով՝ Ծառուկյանն ասել էր՝ «դա սարքած գործ է»։ Այս հայտարարությունից հետո Քննչական կոմիտեն հարցաքննության նպատակով ծանուցագիր էր ուղարկել Գագիկ Ծառուկյանին, իսկ ավելի ուշ պաշտոնապես հայտնեցին, որ Ծառուկյանը պատռել է ծանուցագիրը։
ԲՀԿ առաջնորդն այսօր հաստատեց, որ ծանուցագիր ստացել է՝ այդպես էլ չհստակեցնելով՝ պատռե՞լ է այն, թե՞ ոչ։ Փոխարենը նա կրկին հարց հնչեցրեց. «Դնեի ռամկայի մեջ, կախեի Այվազովսկու նկարի կողքի՞ն»:
Ի դեպ, Գագիկ Ծառուկյանն ընդգծեց՝ Քննչական կոմիտե գնալու կարիք չկա, ավելին, ասաց՝ ծանուցագիր ուղարկելով՝ իր նկատմամբ անհարգալից վերաբերմունք են դրսևորել. «Իրավունք չունենին ծանուցագիր ուղարկել ինձ»։
Մանրամասները՝ տեսանյութում։
Շողիկ Գալստյան
