16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Տոտալ փոփոխության կարիք կա ոչ միայն դատարաններում, այլև դատախազությունում. Մանվել Գրիգորյանի պաշտպան․ ՏԵՍԱՆՅՈՒԹ
Հասարակություն
18.06.2019 | 10:18
Մանվել Գրիգորյանի պաշտպան Լևոն Բաղդասարյանի համար անակնկալ չէր Գրիգորյանին կալանքի տակ թողնելու՝ դատարանի որոշումը: Այս մասին այսօր դատական նիստի ավարտից հետո լրագրողների հետ զրույցում ասաց Բաղդասարյանը:
«Ի՞նչ կարելի է սպասել դատական իշխանությունից, որն ամբողջովին թաթախված է կեղտի և կոռուպցիայի մեջ, որն ընտրովի արդարադատություն է իրականացնում, որն ընկած է գործադիրի կոշիկի տակ»,- ասաց փաստաբանը:
Պաշտպանի խոսքով` դատարանի որոշումը ստանալուց անմիջապես հետո այն կուղարկեն ՄԻԵԴ, որտեղ առաջնահերթության կարգով քննվում է Մանվել Գրիգորյանի գործը՝ անօրինական կալանքի և խոշտանգման հետ կապված:
«Ես կարծում եմ՝ ժամանակն է փոփոխությունների ոչ միայն դատական համակարգում, այլև դատախազությունում»,- նշեց Լևոն Բաղդասարյանը:
Մանրամասները՝ տեսանյութում:
Լիլիթ Շաբոյան
