«Կապուտ եմ հայտարարում Ձեզ, պարո՛ն քաղաքապետ», «Թարս կապուտ էլ կա». ավագանու անդամները վիճում են. ՏԵՍԱՆՅՈՒԹ

Երևանի ավագանու արտահերթ նիստը շարունակվում է քաղաքապետ Հայկ Մարությանի և «Լույս» խմբակցության անդամներ Թեհմինա Վարդանյանի, Դավիթ Խաժակյանի ու Անի Խաչատրյանի վիճաբանություններով:

Քաղաքապետն ակնարկեց, որ Դավիթ Խաժակյանը մտերմիկ հարաբերությունների մեջ է նախկին փոխքաղաքապետ Վահե Նիկոյանի հետ: Մարությանը նաև ինչ-որ լուսանկարների մասին խոսեց, որոնք, ըստ նրա, հավաստում են իր խոսքերը: Դավիթ Խաժակայնն էլ հիշեցրեց, որ Հայկ Մարությանը ժամանակին Վահե Նիկոյանին առաջարկել է լինել իր խորհրդականը:

«Ես ինչ ասացի, ուժի մեջ է մնում: Դուք, որպես մտերիմ, կարող եք հորդորն ասել, իսկ այն, ինչ կապված է մեզ հետ, հանգիստ գնում է դատախազություն, ԱԱԾ և քննչական մարմիններ: Չգիտեմ, թե ինչ կապվածություն կա, այն ընկերությունը, որի համար Դուք դոշ եք տալիս, տապալում է ամբողջ աղբահանությունը»,- ասաց քաղաքապետը:

Դավիթ Խաժակյանն արձագանքեց՝ հիշեցնելով, որ նախկինում քաղաքապետին «քուանշ» է արել, իսկ հիմա «կապուտ» է անում. «Ես բլոտ խաղալ չգիտեմ, բայց քուանշից հետո ընկերներս ասացին, որ «կապուտ» էլ կա: Ես ձեզ «կապուտ» եմ հայտարարում, պարոն քաղաքապետ»:

«Բայց թարս «կապուտ» էլ կա, տենց էլ է լինում մեկ-մեկ»,- Խաժակյանին պատասխանեց «Իմ քայլը» խմբակցության անդամ, վարչապետի աշխատակազմի Շուկայի վերահսկողության տեսչական մարմնի ղեկավար Արմեն Կոտոլյանը:

Կոտոլյանի արձագանքից հետո Թեհմինա Վարդանյանը հայտարարեց, որ նիստերի դահլիճը դարձրել են «բազար»: Դավիթ Խաժակյանն էլ արձագանքեց. «Էլի՞ Կոտոլյանն է, էլի՞ մարդ վատացավ»:

Մանրամասները՝ տեսանյութում:

Նարեկ Կիրակոսյան