13.08.2026 | 01:00
ՊՍԺ-ն` Եվրոպայի Սուպերգավաթի հաղթող. ՏԵՍԱՆՅՈՒԹ
Գագիկ Հարությունյանը պետք է քրեական պատասխանատվության ենթարկվի, չի կարելի թույլ տալ, որ հրաժարական տա ու գնա․Նինա Կարապետյանց․ ՏԵՍԱՆՅՈՒԹ
Հասարակություն
17.06.2019 | 12:17
Բարձրագույն դատական խորհրդի անդամների հրաժարականները վեթինգի գործողություններից խուսափելու մի տարբերակ են, սակայն փաստ է նաև այն, որ հին ԲԴԽ-ն իր գործառույթներն այլևս չէր կարող իրականացնել։
«ԲԴԽ-ն երբեք չի էլ եղել, մենք նման խորհուրդ չենք ունեցել, երբ դատավորին զանգել և հրահանգավորել են, այդ ԲԴԽ-ն դատավորին չի պաշտպանել, այլ զանգողներից մեկն էլ ինքն է եղել։ Իհարկե՛, կա անմեղության կանխավարկած, սակայն, այդ նույն ԲԴԽ նախագահը, որը հրաժարական տվեց, նա եղել է Սահմանադրական դատարանի նախագահ, որը տարիներ շարունակ հանցավոր ռեժիմի կեղծված ընտրությունները ընդունելի է համարել»,- այսօր «Հրաժարականներ՝ Բարձրագույն դատական խորհրդում (ԲԴԽ). իրավիճակի հիմքեր, հետևանքներ և ակնկալիքներ» թեմայով քննարկման ժամանակ ասաց «Հելսինկյան ասոցիացիա» ՀԿ նախագահ Նինա Կարապետյանցը։
Վերջինիս խոսքով՝ իր համար անընդունելի է թավիշը։ Կարապետյանցի համոզմամբ՝ հեղափոխությունը պետք է ունենա իր տրամաբանական շարունակությունը և հեղափոխությունից հետո պարագլուխները պետք է պատժվեն։
«Չի՛ կարելի թույլ տալ, որ պարզապես հրաժարական տա և հեռանա, օրինակ, Գագիկ Հարությունյանը։ Նա պետք է պատասխանատվություն կրի այս երկրում 20-30 տարի օրինականության բացակայության համար, անձնապես քրեական պատասխանատվության պետք է ենթարկվի»,-ասաց Նինա Կարապետյանցը։
Մանրամասները՝ տեսանյութում։
