15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Դատավոր Դանիելյանը նշանակվել է Քոչարյանի իշխանության տարիներին. Սեդա Սաֆարյանը դատավորին ինքնաբացարկ հայտնեց. ՏԵՍԱՆՅՈՒԹ
Հասարակություն
14.06.2019 | 15:46
Վերաքննիչ քրեական դատարանում շարունակվում է ՀՀ երկրորդ նախագահ Ռոբերտ Քոչարյանի, Սեյրան Օհանյանի, Յուրի Խաչատուրովի և Արմեն Գևորգյանի գործով Գլխավոր դատախազության, ինչպես նաև տուժողների իրավահաջորդների ներկայացուցիչ Վահե Գրիգորյանի և տուժողի ներկայացուցիչ Սեդա Սաֆարյանի կողմից ներկայացված վերաքննիչ բողոքների քննությունը:
Հիշեցնենք, որ նախորդ դատական նիստին Ռոբերտ Քոչարյանի պաշտպանական խմբի անդամ Հայկ Ալումյանը բողոքը քննող դատավոր Արմեն Դանիելյանին ինքնաբացարկ հայտնելու վերաբերյալ միջնորդությամբ հանդես եկավ: Որին այսօր միացան նաև Յուրի Խաչատուրովի ու Սեյրան Օհանյանի պաշտպանները: Դատավորին ինքնաբացարկի միջնորդության դեմ առարկել էին Դատախազությունն ու տուժողների ներկայացուցչները:
Ինքնաբացարկի միջնորդությունը դատավորը մերժեց: Որին հաջորդեց այն, որ այս գործով ծանր մարմնական վնասվածք ստացած Արթուր Ավագյանի ներկայացուցիչ Սեդա Սաֆարյանը ևս դատավորին ինքնաբացարկ հայտնեց: Ըստ փաստաբանի՝ ինքնաբացարկի հիմք է այն, որ դատավորը նշանակվել է Ռոբերտ Քոչարյանի իշխանության տարիներին. «Հիմնավոր կասկած կա անկախ և արդար դատավարություն անցկացնելու հարցում: Դատավոր Դանիելյանի գործունեությունն առնչվում է Մարտի 1-ի և 2-ի իրադարձություններին, և նա այժմ հայտնվել է իր նախկին դիրքորոշման հակառակ բևեռում և որքան էլ հիմա ուզենա՝ չի կարողանա որպես արդար դատավոր հանդես գալ»:
Մանրամասները՝ տեսանյութում:
Լիլիթ Շաբոյան
