16.05.2026 | 12:58
Պարույր Հովհաննիսյանը ECOSOC-ում ներկայացրել է Հայաստանի դիրքորոշումը էներգետիկ և առևտրային ռիսկերի վերաբերյալ
Մանվել Գրիգորյանի հիվանդությունների թիվը հասնում է 33-ի․ նոր հայտնաբերված հիվանդության հետևանքով անդամահատություն է սպասվում․ պաշտպան
Հասարակություն
13.06.2019 | 12:54
«Սիստեմատիկորեն պետական լիազոր մարմինների կողմից կատարվում են անօրինականություններ։ Եթե այժմ բարձրաձայնելուց հետո բարձրագույն իշխանությունը գնահատական չտա այդ ամենին, ապա հետևությունը լինելու է այն, որ տոտալ հաշվեհարդար է իրականացվում Մանվել Գրիգորյանի նկատմամբ»,- այս մասին այսօր լրագրողների հետ հանդիպմանը հայտարարեց Մանվել Գրիգորյանի պաշտպաններից Լևոն Բաղդասարյանը։
Գրիգորյանի պաշտպանի խոսքով՝ անօրինական քայլ է այն, որ ԱԺ նախկին պատգամավորին քաղաքացիական հիվանդանոցից «հարկադրաբար տեղափոխել են կալանվայր, ապա «Դատապարտյալների հիվանդանոց», որտեղ Մանվել Գրիգորյանի վիճակը կտրուկ վատացել է, և նա կրկին տեղափոխվել է քաղաքացիական հիվանդանոց»։
Լևոն Բաղդասարյանն ասաց, որ երբ Մանվել Գրիգորյանին ձերբակալել-կալանավորել են, նա ունեցել է միայն երեք-չորս հիվանդություն, իսկ հիմա դրանց թիվը հասնում է 33-ի։
Նոր հիվանդությունները, պաշտպանի պնդմամբ, ձեռք են բերվել կալանքի ընթացքում․ «Նոր հայտնաբերված հիվանդության արդյունքում լինելու է անդամահատություն։ Անձի առողջութունը հասել է այդ վիճակին»։
Հիշեցնենք՝ Մանվել Գրիգորյանը մեղադրվում է ապօրինի կերպով զենք-զինամթերք պահելու, ավելի քան 101 միլիոն դրամի գույք յուրացնելու, ավելի քան 1 միլիարդ դրամի հարկերի վճարումից խուսափելու, պետական միջոցներից ավելի քան 1 միլիարդ դրամ վատնելու և շորթմամբ 37 միլիոն դրամ արժողությամբ գույքի հափշտակությունը կազմակերպելու համար:
Լիլիթ Շաբոյան
