22.04.2026 | 23:30
ՀՀ տարածքում ավտոճանապարհները հիմնականում անցանելի են
Ապօրինի ներգործության ռիսկը մեծ է. Գլխավոր դատախազը՝ Քոչարյանի կալանքի անհրաժեշտության մասին. ՏԵՍԱՆՅՈՒԹ
Հասարակություն
12.06.2019 | 14:30
Մեր բողոքների հետ կապված ամեն ինչ շատ հստակ է. մենք մեր հիմնավորումներով գնահատում ենք, որ կայացված դատական ակտը՝ դրա անհիմն և անօրինական լինելու արդյունքում ակնհայտ վկայում է գործի քննությունը ձգձգելու մասին: ՀՀ երկրորդ նախագահ Ռոբերտ Քոչարյանի կալանքի հարցով վերաքննիչ բողոքի քննության ժամանակ լրագրողների հետ զրույցում ասաց ՀՀ գլխավոր դատախազ Արթուր Դավթյանը:
Պատասխանելով հարցին՝ արդյո՞ք Սահմանադրական դատարանի կողմից քննությունը հետաձգելու մեջ միտում է տեսնում, գլխավոր դատախազը պատասխանեց. «Պաշտոնապես եմ տեղյակ պատճառաբանության մասին, թե որն է եղել հետաձգման պատճառը: Չեմ կարող այս պահին միտումի վերաբերյալ որևէ տեղեկություն ներկայացնել: Ամեն դեպքում՝ հրապարակվել է, որ ուսումնասիրության համար ժամանակ է հարկավոր»:
Արթուր Դավթյանի խոսքով՝ Ռոբերտ Քոչարյանի կալանքի տակ պահելը որևէ մեկի անձնական ցանկություն չէ, դա ինքնանպատակ չէ:
«Բոլորս շատ լավ հասկանում ենք՝ ինչ քրեական գործի հետ գործ ունենք»,- ասաց գլխավոր դատախազը՝ հավելելով, որ երկրորդ նախագահի կողմից դատաքննության վրա ապօրինի ներգործության ռիսկը մեծ է:
Մանրամասները՝ տեսանյութում:
